Paradoxo

Es mundu li sta suju, verdadis tudu okultu
Bistidu so di prétu ka signifika lutu
Sorizu na se róstu ma se korason sta suju
Traison na pensamentu, abrasus sukundi tudu
E fla bu namoradu ka presta, pa bu larga-l
E sta dretu ku di-sel, mas e kre pa bu larga-l
Konsedju di amiga, bu kaba pa bu larga-l
E di-sel é ka nun santu, ma purgunta si e larga-l
Disepsiona ki kuazi po-m perde fé
Si es odja ma bu tene, es ta kre tene tanbê
Se midjór amigu, ma kobisa se mudjer
Es kume na memu pratu ki es troka memu kudjer
Dinheru sta na korpu, kóre, móre, ba si frónta
Antis purgunta: El é kenha?
E fla: Kel-la é nha irmon
Mai ku pai gósi ta para i ken ta manda é titiu
Kúnfia na se amigu ma k'o kúnfia na se tiu
En vês di brasu, mozada, djobe-m di déntu nha kara
Labanta róstu, bu nkara se verdaderu faxada
Na mundu nos é ka nada, pakê inveja pa nada?
Si nu ta móre, nen nada nu ka ta leba na ladu

Asvês N kre nha lágrimas ta sai
Skorega na nha róstu, dexa kai
Si la tanbê ten máguas, N ka kre bai
Pega-m na brasu fórti, faze-m xinti más fórti
Asvês N kre nha lágrimas ta sai
Skorega na nha róstu, dexa kai
Si la tanbê ten máguas, N ka kre bai
Pega-m na brasu fórti, faze-m xinti más fórti

Fladu amizadi é tudu, mi N ka odja nada
Fika perdedu na skuru, mi N ka odja nada
Tamu juntu, sin, so na óra paka
Labanta kópu, kin-kin, pamodi paka
E fla: Amor, k'o preokupa, é so nha amigu
Mi kuandu N konxe dja dura désdi mininu
Ma se amor ka panha kual é di amigu
Brinka mamá, papá, es dôs désdi mininu

Asvês N kre nha lágrimas ta sai
Skorega na nha róstu, dexa kai
Si la tanbê ten máguas, N ka kre bai
Pega-m na brasu fórti, faze-m xinti más fórti
Asvês N kre nha lágrimas ta sai
Skorega na nha róstu, dexa kai
Si la tanbê ten máguas, N ka kre bai
Pega-m na brasu fórti, faze-m xinti más fórti

Alvês N ta xinti déntu mi
N ta xinti nha alma ta txora
Lágrimas ta modja róstu
Pensamentus ta piora
Alvês N ta xinti déntu mi
N ta xinti nha alma ta txora
Lágrimas ta modja róstu
Pensamentus ta piora