In 't graas van de wei

In 't graas van de wei
Hobb' veer same gevried
En 't graas waar zo werm
En 't veldj waar zo wied
En zo sjoon waar 't waer
En zo zach zong de wendj
En ich hauw dich zo gaer
Leef kendj

Es ich neet mee zeng
Breng mich dan mer nao hoes
Breng mich trok nao mie landj
Dao veul ich mich thoes
Bie zo'n eppelebomke
Es 't bluit in de mei
En ich plok dich e blomke
In 't graas van de wei

En wurt 't dan kauwd
Es 't sjniet aan m'n roet
Kump 't leste couplet
En mie leidje is oet
Dan lik op 't veldj
Die sjneewitte sjprei
En dan lik ich mich neier
In 't graas van de wei